[color=brown]البنات والموضه[/color]

من الملاحظ في هذا الوقت لبس البنات للعبايه بطريقه مثيره جدا

طبعا العبايه هي الجزء الخارجي مع ذلك اعتقد انها اكثر اثاره من اللي تحتها

عبايه هالوقت فيها من الديكور الشي الكثير ....... ماناقصها الا الجبس والتعتيق .........زخرفتها والاشكال والالوان اللي فيها وحتى وسعها وضيقها من اماكن حساسه تخلي الشاب يجلس يطالع بلبنت لين تتعدى النظره الاولى المسموح فيها شرعا وتدخل فالنظره التحليله التفصيليه اللي تخليه يجلس يتذكرها اسبوع لقدام

من وجهة نظري ان هالنوع من العبايات خاصه اذا دعمناه بقامة بنت جميله مع لثمه وكحل وظل ورسم للعين بطريقه جذابه هو سبب من اسباب تواجد الشباب فالمجمعات والاماكن العامه وسبب لتبادل الارقام والبلوتوث وما شابه

اذا كانوا العوايل يشتكون من مضايقات الشباب لهم فالمجمعات فانا اجد العذر لهذا الشاب اللي ماتعود يشوف هالشي في مجتمعه

قبل تقريبا 5 سنوات كانت العبايات اقل جاذبيه ولفت للانتباه من عبايات هالوقت ... بمعنى ان جيل قبل 5 سنوات هو نفس هالجيل ولما يشوف التغير الكبير في شكل العبايه خلال 5 سنوات لازم يكون عنده ردة فعل تعكس هالتغير السريع في شكل العبايه

انا مؤمن بأن لكل فعل ردة فعل وهذا قانون فيزيائي اعتقد انه ينطبق على كل شي فالحياه

ارجع واقول وعلى شان يكون للموضوع فايده اكبر بعيد عن وصف شي معروف اصلا , اشوف ان البنت اذا ماتحب ان احد يضايقها فالسوق عليها انها تراعي طريقه اختيارها ولبسها للعبايه لاني اشوف ان عبايه البنت تعكس مابداخلها

عبايه مغريه = رغبه فالمضايقات الشبابيه

وعبايه محتشمه = عدم رغبه في المضايقات الشبابيه

موضوعي هذا لا يتعدى وجهة نظر فرد من افراد المجتمع بحكم اني كنت فالسوق قبل يومين تقريبا وتعرضت لمثل هذه المواقف

وما اطلب الا ان الله سبحانه يبعدنا عن كل شر لان فعلا المغريات صارت كثير والانسان يحتاج يكون اقوى منها للبعد عن كل شر

طبعا كثير ممكن يوافقون وكثير يعارضون بس الهدف مو المشاركه في الرأي من خلال هالمنتدى الجيد

والسلام ختام